खरे मनोरुग्ण किंवा वेडे कोण ?

खरे मनोरुग्ण किंवा वेडे कोण ?

हल्ली कुठेही काही तोडफोड वगैरे घटना घडल्या कि लगेच बातमी येते कि मनोरुग्णाने 

केली तोडफोड. मला अतीरेक, तोडफोड ह्या गोष्टीचे समर्थन करायचे नाही, पण जेव्हा एखादी 

घटना घडते तेव्हा आधीच्या क्रीयेविरुद्ध प्रतिक्रिया हि गोष्ट असेल तर सायन्सच्या नियमाप्रमाणे 

ती योग्यच असते ना ? आणि हा विषय पूर्वीही चर्चा करण्यात आलेला आहे कि मनोरुग्ण ,

नक्षलवादी आणि अतिरेकी ह्यांना तसे म्हणायचे का ? कारण ते तसे घडलेत त्याची कारणे कोण शोधणार आणि त्यांना तुम्ही काय म्हणणार , अत्ताच गेल्या आठवड्यात एक घटना घडून गेली आहे त्यातही हीच गोष्ट चर्चा करण्यासारखी आहे , कि जेव्हा तुम्ही प्रतिक्रियेला अतिरेक म्हणता मग आधी कोणीतरी काहीतरी (तितकीच अतिरेकी) क्रिया उद्योग केला आहे कि त्याला इतकी अतिरेकी प्रतिक्रिया झालेली तुम्हाला दिसते आहे त्यांना तुम्ही काय म्हणणार ? अतीरेकाचे समर्थन नाही पण कोणावर अन्याय होऊ नये हे पाहणे गरजेचे आहे, कारण अतिरेकी ,मनोरुग्ण असे शिक्के मारून तो विषय तिथे संपवायचा कि काम झाले असे आज झाले आहे. त्या गोष्टीच्या मुळाशी कोणी जात नाही जे फक्त ''दो आँखे बारह हाथ '' सारख्या चित्रपटात होऊ शकते.

पण ते करायला आज कोणाकडे वेळ आणि इच्छा आहे ? त्यापेक्षा मानसीक रुग्ण,अतिरेकी  हा शिक्का मारणे सोपे आहे. आणि आज जगात हेच चालले आहे काही २० टक्के माणसांच्यामुळे 

ज्यामधे कोण लोकं येतात तर गरजेपेक्षा जास्त अती महत्वाकांक्षी, भ्रष्टाचार करणारे राजकारणी, लोकांना उल्लू बनवून स्वतः करोडपती बनणारे सिनेनट, अती महत्वाकांक्षांमुळे ( वेड्यासारख्या हपापलेपणामुळे ) म्हणजे आज प्रत्येकाला असे वाटते कि मला कोणीतरी मोठे व्हायचे आहे पण ह्या मोठे होण्याच्या वेडापायी बाकीच्या ८० टक्के लोकांचे मरण होत असेल तर त्या मोठेपणाला काही अर्थ आहे का ? त्याचे लांगुलचालन किती करायचे ? अत्ताच एका क्रिकेट पटूच्या मानसिक अवस्थेचे कोण कौतुक करण्यात आले ? म्हणजे जगात अशी कितीतरी माणसे आहेत ज्यांच्या मानसिक अवस्थेचा कधी कोणी विचार केला आहे का ? उगाचच एखाद्या उद्दिष्टासाठी वेड्यासारखी मेहनत घेऊन बाकीच्यांना पायदळी तुडवून विजय साजरा करणे ह्या (विकृत) मानसिक अवस्थेला तुम्ही काय म्हणणार ? आज खरे वेडे कोण आहेत म्हणजे ज्यांच्यामुळे (२० टक्के लोकांमुळे ) मानसिक रुग्ण तयार होत आहेत ते वेडे कि ज्यांना समाज मानसिक रुग्ण हा शिक्का मारतो आहे ते वेडे ? मानसोपचार तज्ञांनीहि हि गोष्ट सामाजिक व्यासपीठावर चर्चा आणि विचार करण्यासारखी आहे. - सुरेश पित्रे , ठाणे