नमस्कार
गोमाता आपली देवता - आपली संस्कृती हि कृषी आणि हृषी प्रधान आहे , मधल्या काळात
ह्या संस्कृतीवर अनेक वेळा आक्रमणे झाली आणि होत आहेत , शेतकरी गाई बैल विकून
मशीनने शेती नांगरू लागला , आणि पाहता पाहता गोधन दिवसा गणीक कमी होत गेले
भारतीय वंशाच्या गाईचे दुध जे अमृतासमान मानले आहे ते प्रत्येक भारतीयाला मिळालेच
पाहिजे , पण दुर्दैवाने आज तसे होत नाही , आपल्या घरी प्लास्टीक पिशवीत जे दूध येते
ते जर्सी गाईचे असते असा काहींचा संशय आहे , भारतीय वंशाची गाय दूध कमी देते
पण म्हणूनच ते अमृत मानले असावे , ती गाय दूध द्यायची बंद झाली कि मग बऱ्याच वेळा
तीची विक्री केली जाते , आणि काही वेळा तर खाटीक खान्यात पाठविले जाते
हि गोष्ट अत्त्यंत वाईट , वेदना देणारी आणि क्रूर अशी आहे , हे होऊ नये म्हणून
काही गो संस्था कार्यरत आहेत , पण त्यांच्या कामाला गती देऊन पुन्हा नव्याने
गोधन वाढावे अशी ज्यांची इच्छा आहे त्यांनी अशा गो संस्थाना दान देणगी द्यावी.
त्यांनी कोणती योजना आखली आहे ? ह्या ज्या गाई आहेत ज्या दूध देत नाहीत
ज्यांना भाकड गाई म्हणतात त्यांना एका वेगळ्या जागेत ठेवतात आणि त्यांच्यासाठी
चारा भूमी राखीव आहे , मग आता कोणी म्हणेल त्याचा काय उपयोग ? तर ह्या गाई जरी
दुध देत नसल्या तरी त्या मरेपर्यंत गोमुत्र आणि शेण देतात जे औषधी आणि अत्त्यंत उपयोगी
असे आहे , अग्निहोत्र करण्यासाठी ज्या गोवऱ्या / शेण्या लागतात त्या ह्या गाईच्या
शेणापासुन बनविल्या जातात , त्यामुळे प्रत्येकाने अग्निहोत्र करायला सुरुवात करावी
आणि आपली जी शेती प्रधान संस्कृती आहे ती टिकविण्याचा आणि संवर्धन करण्याचा
प्रयत्न करावा. पाश्च्यात्त्य संस्कृती हि कधीच समाजाला १०० टक्के शाश्वत सुख देऊ शकत नाही,
आपण स्वतःला हिंदु धर्मीय / सनातन धर्मीय / किंवा वैदीक असे मानत असू तर
आपल्याला प्रत्यक्ष गाय पाळता नाही आली तरी अशी अनेक गो उत्पादने आहेत
जी आपण विकत घेऊन किंवा आपल्या वाढदिवसा निमित्त देणगी देऊन त्या
संस्थाना मदत करू शकतो. धन्यवाद, - सुरेश पित्रे , ठाणे
कोणत्याही टिप्पण्‍या नाहीत:
टिप्पणी पोस्ट करा