21/9/2009 - RECESSION TIME
रिसेशन ! रिसेशन ! रिसेशन !
झाली किती कठीण परिस्थिती
मोठी ऑर्डर नाही मिळत हाती
कर्मचारी सर्व चर्चा करती
आता कंपनीचे कसे होणार ? II१II
प्रतिस्पर्धी आमचे तगडे गडी
आपणही तोडीस तोड मारू मुसंडी
म्हणती असे कंपनीचे एमडी
बनुया वर्ल्ड मार्केट लीडर II२II
कोणी म्हणे आहे आता रिसेशन
पगारास लावले २०% व्हेरीएशन
एचआरचे स्वप्न नवीन ऑर्गनायझेशन
चालल्या मोठमोठ्या घडामोडी II३II
जगामधे वाहती रिसेशनचे वारे
कंपनीमधे वर्ल्डक्लास कंपनीचे वारे
कर्मचाऱ्यांनो काळजी नका करू रे
म्हणती सदैव कंपनीचे मालक II४II
कोणांस वाटतो खेळ हा फसवा
नका करू उगाच हो गवगवा
नका पसरवू खोट्या अफवा
दटावती कंपनीचे मालक II५II
जगात चालला खेळ अर्थकारण
परिणाम तयाचा राजकारण
कोणाचा जातो त्यात जीव अकारण
म्हणती सृष्टीचाच हा नियम II६II
रीसेशनचे वारे सर्वत्र वाहती
कोणी खोटे खोटे रडून घेती
कर्मचाऱ्यांचा पगार कापती
नेमला एच आर मध्यस्थी II७II
जुन्या कर्मचाऱ्यांना मारुनी लाथ
नवीन कर्मचाऱ्यांची घ्यावी साथ
आजच्या कंपन्यांचा पडला प्रघात
वापरा आणि काढून टाका II८II
एच आर मधाळ गोड बोलतो
गोड बोलुनी खेळ खेळतो
स्वतःचे टार्गेट पूर्ण करतो
दुसरा जाऊदेSना खड्ड्यात II९II
जुन्या कर्मचाऱ्यांचा पगार कापतो
नवीन येणाऱ्यांस खिरापत वाटतो
गोड बोलुनी खोटे रडून दाखवितो
एच आर पक्का एक नंबर नाटकी II१०II
कोणांस कधी टर्मिनेट करती
कोणांस नवीन कंत्राट पत्र देती
जुनाच मॅनेजर नव्याने घेती
पदोन्नतीचा खेळ खेळून II११II
कोणी दुसरा छान जॉब शोधतो
कोणी स्वतःच राजीनामा देतो
कोणी जातो विदेशी, परदेशांत
स्वतःच्या करिअर प्रगतीसाठी II१२II
कोणांस रोकड देऊन घरी बसविती
कोणांस नुसतेच कामाविना बसविती
कोणाची बदली दुसरीकडे करती
चालली सारी मजा मजा ! सजा II१३II
कोणी भीतीने कामात राबत बसती
कोणी बॉसला शेंड्या लावून पळती
कोणी बॉसची चमचेगिरी करती
कोणी तोंडावर गोड,मागे शिव्या देती II१४II
कोणी शेअर बाजारात आहे म्हणतो
शेअरचा फुगा फुगून फुगून फुगतो
आणि एक दिवस ढुपकन फुटतो
सेन्सेक्स कोसळला म्हणतो II१४II
आह्मी कर्मचारी आणि कामगार
मॅनेजमेंटच्या सुरीची जाणतो धार
नाही राहणार कोणीही बेकार
मेहनती आणि कामसू आह्मी II१५II
कोणी म्हणे चुकीचे आपले कोटेशन
ऑर्डर नाही, खूप आहे कॉम्पीटिशन
कोणी म्हणे रिसेशन आहे रिसेशन
कोणी म्हणे कधी संपेल हे रिसेशन?II१६II
लेखक / कवी - सुरेश पित्रे.
पत्ता- " वैद्य सदन ", पहिला मजला, राघोबा शंकर रोड,
चेंदणी, ठाणे (पश्चिम) , पिन कोड क्र. - ४००६०१
भ्रमणध्वनी - ९००४२३०४०९
कोणत्याही टिप्पण्‍या नाहीत:
टिप्पणी पोस्ट करा