|| कांद्याची हि तिखट कहाणी ||

कांदा रखडून पडून सडला 

निर्यात बंदीचा डाव थाटला 

सभा चर्चेचा खेळ मांडला 

पहा पहा तो कांदा सडला ||१||

शेतकरी ओरडून सांगू लागला 

निर्यात बंदी उठवा म्हणाला 

प्रश्नावर तोडगा नाही निघाला 

पहा पहा तो कांदा सडला ||२||

कांद्याचा भाव पुन्हा कडाडला 

शेतकरी देशोधडीला लागला 

तिखट कांद्याचा वांदा झाला 

पहा पहा तो कांदा सडला ||३||

सामान्य माणूस बेजार झाला 

सरकार मायबाप निर्दयी बनला 

चर्चा करुया फक्त म्हणाला 

पण केव्हाचा कांदा सडला ||४||

उमेदवार लोकांनी निवडून दिला 

वातानुकुलीत गाडीत फिरला 

शेतकरी देशाचा उन्हात राबला

मातीत राबुनी खपून गेला ||५||

कांद्याचा सडून झाला वांदा 

डोळ्यात पाणी आणतो कांदा 

कांद्याची हि तिखट कहाणी 

लोकांच्या डोळ्यात आणते पाणी ||६||

कवी - सुरेश रघुनाथ पित्रे.

पत्ता- " वैद्य सदन ", पहिला मजला, 
राघोबा शंकर रोड, चेंदणी, ठाणे (पश्चिम) , 
पिन कोड क्र. - ४००६०१

संपर्क - ०२२ - २५३३३८६९ ,२५३२६४२९ , 

भ्रमणध्वनी - ९००४२३०४०९           
Email ID - kharichavata@gmail.com