बहुविकलांग असलेल्या लोकांसाठी काम करणार-या “Sankalp Foundation” तालुका
गुहागर,जि.रत्नागिरी ह्या संस्थेतर्फे प्रकाशित "घे भरारी " ह्या प्रातिनिधिक काव्य
संग्रहात हि कविता एप्रिल २०११ मधे प्रकाशित झाली आहे.
शनिवार, ४ जून, २०११
|| टॉवर कथा || घेऊ म्हणता घर | उभा राही कर्जाचा डोंगर | पैशाची घर घर | मागे लागते ||१|| ज्यांच्या हाती मनी पॉवर | त्यानी बांधले टॉवर | कमी पड़े विजेची पॉवर | उद्वाहनासाठी ||२|| कोणी म्हणे बिल्ट अप एरिया | कोणी म्हणे कार्पेट एरिया | ग्राहक म्हणे काय करुया | संभ्रम पडला ||३|| फ्लॅट घेण्याची सर्वाना घाई | पण वाढली महागाई | पैशाची भासे टंचाई | फ्लॅट विकट घेता ||४|| चाळ नावाची वाचाळ वस्ती | जिथे चाले गप्पा मस्ती | खर्च नाही जास्ती | घर मध्यम वर्गियांचे ||५|| चाळीचे फायदे अनेका | प्रसंग येता बाका | मदत करती एकमेका | शेजार धर्मं जपती ||६|| फ्लॅट नावाची नवी वसती | घराची दारे बंद ठेवती | स्वतःस कोंडून घेती | चार खोल्यांमधे ||७|| कोण आला कोण गेला | आजारी पडला वा खपला | न कळे शेजार-याला | खासीयत फ्लॅटची ||८|| वाडे पडून टॉवर बांधती | मजल्यांची नाही पाबंदी | कारभार चालला बेबंदी | सर्व शहरात ||९|| बिल्डर झाला सवाई | टॉवर झाले ठाईठाई | सर्वत्र पाणी,वीज टंचाई | म्हणती शांघाय करूया ||१०|| वीज नसता लिफ्ट चालेना | काय करावे कळेना | जनरेटरविना लिफ्ट हलेना | डीझेलही महागले ||११|| जमीन फक्त टॉवरसाठी | फ्लॅट आहे श्रीमंतांसाठी | घर नाही सामान्यांसाठी | मुंबई महानगरात ||१२|| सरकार जरी इथे मराठी | मुंबई सोडतो माणूस मराठी | मुंबई खुली परप्रांतीयांसाठी | रोज येतो लोंढा ||१३|| पैशाचा इथे आब आहे | टॉवरला बाथ टब आहे | वातानुकुलीत पब आहे | वाढली श्रीमंत संस्कृती ||१४|| करावे थोडे विचारमंथन | मजल्यांवर असावे बंधन | वाया न जावे कष्टाचे धन | धरणीकंप होता ||१५|| मुंबई बनता शांघाय | सामान्य माणसाचे होणार काय ? मुंबई मराठी माणसाची माय | हे खरे कि खोटे ? ||१६|| चाळ पाडून इमारत बांधली | चकाचक संस्कृती आली | चारचाकी मोटार आली | माणुसकी पार संपून गेली ||१७|| ============================== सुरेश पित्रे. चेंदणी, ठाणे (पश्चिम) भ्रमणध्वनी – ९००४२३०४०९, Email ID - kharichavata@gmail.com |
|| पाणी म्हणजे जीवन || थेंब थेंब साठवावा | थेंबे थेंबे तलाव भरावा | तलावातील गाळ उपसावा | जल साठ्यासाठी ||१|| लोकहो पाणी अडवा | लोकहो पाणी साठवा | लोकहो दुष्काळ हटवा | पाणी जमिनीत जिरवा ||२|| आवारात तलाव बांधावे | तलावात पाणी सोडावे | पावसाचे पाणी साठवावे | शहरी इमारतीत ||३|| विहिरीत कचरा टाकू नये | पाणी दुषित करू नये | जलस्रोत सुकू नये | ठेवावे हेच उदिष्ट ||४|| जलसंपदा वाचवा | विहिरीचा वापर करावा | नित्य उपसा असावा | जलशुधीसाठी ||५|| जर पाण्याचा झरा आटला | तर जीवनप्रवास संपला | विचार हा जयांस पटला | तोच खरा माणूस ||६|| पाणी जपून वापरावे | तेच लोकांस सांगावे | पाणी सर्वांस मिळावे | हाच असावा हेतू ||७|| बदा बदा पाणी ओतू नये | अपव्यय पाण्याचा करू नये | थेंबही वाया दवडू नये | पाणी म्हणजे जीवन ||८|| पाण्याने तहान भागते | पाण्याने अन्न पिकते | अन्नाने भूक शमते | सर्व सजीवांची ||९|| झाडांसाठी रोप लावता | रोपावर पाणी शिंपडता | रोपाचा मोठा वृक्ष होता | सावली मिळेल पांथस्था ||१०|| पेराल जेव्हा बीज अनेकदा | वाढेल तेव्हा वृक्ष संपदा | वाढेल मग जलसंपदा | तसाच मिळेल प्राणवायू ||११|| पाणी साठवावे आपण | करावे जलसंधारण | करावे वृक्षारोपण | गुंतवणूक भविष्याची ||१२|| ================================== सुरेश पित्रे. चेंदणी, ठाणे (पश्चिम) भ्रमणध्वनी – ९००४२३०४०९, Email ID - kharichavata@gmail.com |
|| करीअर कथा ||
हि कविता खाली दिलेल्या संकेत स्थळावरही आहे.
http://new/sec_yuva/may2011_yuva01.html
बारावीचा निकाल | मग सीईटीचा परीक्षाकाळ |
http://new/sec_yuva/may2011_yuva01.html
बारावीचा निकाल | मग सीईटीचा परीक्षाकाळ |
परीक्षांचा झाला सूकाळ | आता ठाई ठाई ||१||
इंजिनीअरिंग का मेडिकल | जाणावा आपुला कल |
पडताळावे इतर सकल | विषय आणि पर्याय ||२||
शिक्षणाचे मार्ग सगळे | पर्याय अनेक वेगळे
जे आपणा न कळे | तज्ञांना विचारावे ||३||
बारावी नंतर काय | प्रश्न करती वडील माय |
आहे यावर उपाय | फक्त मुलांची आवड ||४||
बाळाचे पाय पाळण्यात दिसती | उक्ती अनुभवी सांगती |
त्याची घ्यावी प्रचिती | मुलांच्या भल्यासाठी ||५||
आवडीचे क्षेत्र निवडावे | तसेच मार्गदर्शन करावे |
मुलांचे भले पाहावे | प्रथम त्यांच्या आवडीत ||६||
आपली आवड कशात | जाणून त्या विषयांत |
मेहनत करावी त्यांत | मुलांनी प्रगतीसाठी ||७||
प्रसिध्द खेळाडू किती | यशस्वी ते उद्योगपती |
त्यांनी केली प्रगती | आवडीच्या विषयांत ||८||
जी आपली आवडी | त्यात घेतली आघाडी |
ते क्रिकेट खेळगडी | फक्त बारावी पास ||९||
गुण असती उपजत | त्यांनाच घालावे खत |
नाही येणार आफत | भविष्यात चिंतेची ||१०||
आवडीच्या विषयात | थोडीच पुरते मशागत |
विषय होईल अवगत | पटकन लवकर ||११||
गायक सुरात नाहले | नायक अभिनयात मुरले |
नर्तक तालात नाचले | आनंदात सुखेनैव ||१२||
चित्रकार चित्रात रंगले | शिल्पकार शिल्पात घडले |
कलाकार कलेत रमले | जातीचे कलावंत ||१३||
आवडीच्या विषयात करता कष्ट | आळस होतो नष्ट |
आलेख दिसतो स्पष्ट | उज्ज्वल भविष्याचा ||१४||
काही चालती धोपट मार्गे | काही धावती झटपट मार्गे |
नका जाऊ आडमार्गे | पैसा आणि प्रगतीसाठी ||१५||
जपावी नैतिकता | निवडा आवडीची उद्योजकता |
नेटाने कष्ट करता | प्रगती आहे निश्चित ||१६||
कोणी करती चर्मोद्योग | कोणी करती कुटीरोद्योग |
करावा असाच उद्योग | मराठी माणसाने ||१७||
निर्णय नसावा अयोग्य | विचार करावा सुयोग्य |
शिक्षण निवडा स्वयोग्य | आवडीच्या विषयात ||१८||
छंद विषयांत नाही ताप | कामाचा नाहीच संताप |
शक्य होते करणे प्रताप | दडपणाशिवाय ||१९||
काम होईल झटपट | उत्साहात छान पटापट |
वाटणार नाही कटकट | आवडीच्या विषयाने ||२०||
आवड असता नाही डोकेफोड | बोलता येईल फडाफड |
प्रश्नांची उत्तरे सडेतोड | देता येतील सदैव ||२१||
आयुष्य सरेल छान मस्त | मन राहील आनंदे चुस्त |
काम होता बिनधास्त | सूर सापडेल प्रगतीचा ||२२||
काम जमता निश्चित | भविष्य नसेल अनिश्चित |
जीवन प्रवाह विनाखंडित | पार पडेल सुरळीत ||२३||
क्षेत्र आवडीचे निवडावे | पदवीस प्राप्त करावे |
प्राविण्य पुढे मिळवावे | प्रयत्ने सातत्याने ||२४||
करिअरची होता घटट मुळे | जीवन वृक्ष फुले फळे |
जीवन अवघे उजळे | समस्त कुटुंबियांचे ||२५||
करिअर कथा वाचावी | तशीच लोकांस सांगावी |
कथेची प्रचिती घ्यावी | सर्व विद्यार्थ्यांनी ||२६||
सुरेश पित्रे. चेंदणी, ठाणे (पश्चिम)
भ्रमणध्वनी – ९००४२३०४०९,
Email ID - kharichavata@gmail.com
|| "मे " ची सुट्टी ||
हि कविता खाली दिलेल्या संकेत स्थळावरही आहे.
|| "मे " ची सुट्टी || शेवटचा पेपर सुरु , लागली आता सुट्टी मैदानात उतरू, विसरून जाऊ कट्टी ||१|| या सर्वांनी करू , सर्वांशी आता बट्टी , भांडण सारे विसरू , मारू आपण मिठी ||२|| परीक्षा आज संपे , सोडून देऊ तंटे , खेळूया सारे संगे , खाऊ गोड गोड आंबे ||३|| मामा कैरी पाडी , कैरीच्या खाऊ फोडी , संपली बाराखडी, चला खाऊ आंबावडी ||४|| बाल नाट्य पाहू, हिमगौरी सात बुटके, उन्हात नका जाऊ , पायास लागती चटके ||५|| मिळूनी सारे सगळे, पाहू रानी वनी बगळे , उन्हाने घाम निथळे , खाऊ थंड थंड गोळे ||६|| मैना राघू काऊ , छान छान पक्षी पाहू , गार शहाळे पिऊ , उन्हाळा पळवून लाऊ ||७|| खाऊया गुलकंद , वाटेल थंड थंड , राहू नका मंद , जपावे थोडे छंद ||८|| बालगोष्टी वाचू , आनंदे सारे नाचू , गंप्या आणि गणू , बालगाणी म्हणू ||९|| विसरा फळा खडू , बॅट चेंडू काढू , काच नका फोडू , मिळेल धम्मक लाडू ||१०|| सारे मिळून खेळू , नका कोणास वगळू , मुलानो आता पळू , पकडा पकडी खेळू ||११|| टीव्ही कमी पाहू , खेळायला आपण जाऊ , कार्टून मुखवटे बनवू, आनंदे बागडू गाऊ ||१२|| झाडेच झाडे लावू , फुलांची बाग फुलवू , पायी चालत जाऊ, प्रदूषण ते थांबवू ||१३|| ठकू आणि सखू , फणस गरे चाखू , चेंडू घेउनी फेकू , लाल मातीत माखू ||१४|| संपेल "मे " ची सुट्टी, घेऊ पेन्सिल पाटी, घेऊन फुटपट्टी , लागेल आई पाठी ||१५|| सुरेश पित्रे. चेंदणी, ठाणे (पश्चिम) भ्रमणध्वनी – ९००४२३०४०९, Email ID - kharichavata@gmail.com |
रविवार, २९ मे, २०११
|| वारी आषाढीची ||
होता राम प्रहर | करू विठ्ठलाचा गजर | सातशे वर्षे निरंतर | परंपरा वारीची ||१|| धोतरटोपी वेश पांढरा | घालूनी स्वच्छ सदरा | पंढरीची वाट धरा | म्हणे वारकरी ||२|| खाऊ चून भाकरी | चला गाठू पंढरी | मुखे बोलू श्रीहरी | म्हणे वारकरी ||३|| |
तुळस घेऊ डोईवरी | आम्ही विठूचे माळकरी | विठ्ठल विठ्ठल हरी | म्हणे वारकरी ||४|| सगुण भक्तीचा संग | वारकरी होतो दंग | गातो रसाळ अभंग | राम कृष्ण हरी ||५|| हरीनाम गर्जते वाणी | चालू आम्ही अनवाणी | पाहू चला चक्रपाणि | पांडुरंग हरि ||६|| |
वेध आता आषाढीचे | नाम मुखी विठ्ठलाचे | विठ्ठल नामे नाचे | विठूचा वारकरी ||७|| टाळ मृदुंग वाजे | तुळशीमाळ गळा साजे | विठ्ठल नाम गर्जे | चाले वारकरी ||८|| ऊंच पताका फडकती | वारकरी फेर धरती | घागरी डोईवरती | चाले वारकरी ||९|| |
चंदन टिळा कपाळी | टाळ वीणा वाजे चिपळी | पालखी हि आगळी | चाले वारकरी ||१०|| भक्त जमले प्रांगणी | अश्व धावतो रिंगणी | पहा सोहळा पटांगणी | म्हणे वारकरी ||११|| वारक-यांचा हा मेळा | उभा विठोबा सावळा | पाहू भरुनिया डोळा | म्हणे वारकरी ||१२|| |
अबीर गुलाल उधळा | उधाण भजनी मंडळा | आनंद भरला सगळा | विठ्ठलाच्या दारी ||१३|| उत्सव हा वेगळा | एकमेका भेटू गळा | पाहू विठू वेळोवेळा | चंद्रभागेतिरी ||१४|| |
प्रेषक - सुरेश रघुनाथ पित्रे. चेंदणी, ठाणे संपर्क - ०२२ - २५३२६४२९ , भ्रमणध्वनी - ९००४२३०४०९ , |
शुक्रवार, २९ एप्रिल, २०११
याची सदस्यत्व घ्या:
पोस्ट (Atom)
-
// अभंग गो वंशाचे // अभंग गाईचे // गोमाता सांभाळा / प्रत्येक घरांत / गावांत गोशाळा / हवी हवी // गाय हे जगाचे / आहे हो दैवत / संस्कार ...
